|
□ 蒜蓉 7月2号本版嘅《唔做中，唔做保，唔做媒人三世好》，里面讲到嘅大龄女阿珍就快“摄灶罅”惊冇人要，心急赶住相睇。其实个“摄”字正确嘅写法应该系“楔”。“楔”粤语注音(sit3)，同“摄”同音，系塞、填嘅意思，例如用木片、木塞等填充空隙使其牢固。因为呢个字比较生僻，所以多数人都会用同音嘅“摄”字代替。 楔灶罅，昔时，楔灶罅有另一层“淫意”，剩女将自慰用具塞喺不为外人所知嘅灶头罅隙。但而家现代人就引申成“箩底橙”、“剩女”嘅意思，年纪唔细但都冇人吼，唯有留喺屋企做老姑婆。例句，“嗰女咁大重未嫁，唔通留嚟楔灶罅咩。”不过而家啲剩女都好勇敢话，“我有本事，楔灶罅都冇有怕！” 楔石人，粤语嘅楔石即系磁石，楔石吸力强劲，系铁就吸。所谓嘅楔石人即系乜都关佢事，乜都要插手。又可以解释为掹车边上位，一下子就将自己楔到去重要位置。好似有啲艺人影大合照嗰阵姗姗来迟，一系唔到，一到就即刻楔去中间位置，惊死自己唔够抢镜，呢种咪叫楔石人啰。 “乜乜得嚟又几乜乜”不限于食后感□ 晓江 微生亮先生的《渊明豪放，鱼蛋弹牙》这篇文章写得不错，将古典诗文与广州话句式类比，更与社会现实问题联系。美中不足的是，文中将“乜乜得嚟又乜乜”说成是广东人表达食后感的标准句式，这就是以偏概全了。 这是广州话里不限于表达食后感的句式，社会生活各方面都涵括，通常句式是“乜乜得嚟又几乜乜”(“得嚟”在广州话里表明一种状态，与后面的状态呈对比，如：平淡得嚟又几特别；搞笑得嚟又几得人钟意)，原本是有几分幽默乐观的句子，当今，时代不同，竟有几分灰暗、黑色。 譬如讲，旧时鱼丸软滑得嚟又几弹牙，而家鱼丸好难讲，唔好彩就有不法之徒搞出弹牙得嚟又几得人惊嘅嘢，作者概括为：弹牙得嚟又有剧毒，剧毒得嚟你又唔觉。“弹牙”与“剧毒”怎么对比？“好味弹牙得嚟又唔知几毒”，食咗呢啲添加明胶、硼砂到劣质大米中嘅有毒鱼丸，噉就同慢性自杀相差无几。 |
