|
□ 曾锦燊
食斋不如讲真话———有姿势不如有实际。正如近日嚟广州举办讲座嘅星云大师话头:“烧香磕头冇必要,行慈悲最重要。”本人对星云大师相当敬佩,但唔会钦敬———钦敬与人体某个器官一样读音,所以用白话“钦敬”人,查实系明赞暗损。久仰———白话与“狗养”读音一样,若果有人用白话“久仰久仰”你,你就要闸住喇。
煲冇米粥———比“无米之炊”仲犀利,毕竟煲粥需时更长。
煲电视粥———睇电视睇到“汁都捞埋”。
电视送烧酒———宅男嘅一种,边饮酒边煲电视,境界更上一层楼。
一言九顶———睇清楚唔系嗰个“鼎”,因为你讲嘅话与“鼎”相反,太冇分量,所以要畀人顶九次嘴。
拉牛上树———有“疍家婆扎脚,夹硬嚟”嘅意思,但难度更高。
唔啱嘴型、鸡同鸭讲———难度都好高,但局限于对话沟通方面。
孭住个药煲———体弱多病、成日食药嘅至佳写照。
借钱唔还大丈夫———当今杨百劳通常恶过黄世仁,你明嘅。
老窦养仔再养孙———“老窦养仔仔养仔”嘅升级版,皆因时移势易,啃老一族日渐壮大。