闲话伊面 （转帖）

十字港登陆

闲话伊面            作者：龚慧枫

食在广州

    □ 龚慧枫

    而家同人哋提起伊面，十有八九都以为系郑伊健。的确，比起云吞面日本拉面，伊面已经同广州人嘅日常饮食渐行渐远，就快“伊面不知何处去”嘞。唯一出现得比较多嘅场合系宴席上，芝士焗龙虾会有伊面垫底，吸尽鲜美滑腻嘅汁水；长寿面一定用伊面嚟整，淋上韭黄肉丝，惹味得嚟意头又好。

    伊面系由清朝时期做过惠州知府嘅伊秉绶发明。呢位伊知府唔单只系书法家，仲系一位美食家。佢指导家厨以鸡蛋同埋面粉，擀平切成面条，然后晾到稍干，再盘成一定形状(通常系圆盘状)，放入温油入面炸成金黄色，就成为伊面嘅半成品，食嘅时候再行加工，可以用嚟炒、用嚟焖，亦可以煮成汤面，做法多样，口感特别。

    由于伊秉绶做完惠州知府之后又任扬州知府，所以伊面由岭南传入江南，成为淮扬佳馔。当地人一般将伊面用嚟干烧或者系三鲜、什锦烩。先将伊府面略蒸软，放入油中炒好，再将虾仁、海参、笋片等配料炒好，淋喺面上，有种迥异于岭南嘅风味。

    有时去一啲老城区嘅面店，偶然都会见到有伊面摆喺炉边待客，当我见到啲煮面嘅水蒸气系噉蒸落伊面度，就会情不自禁谂：啲伊面会唔会好似受咗潮嘅即食面噉，变到煁晒口架？

    长寿路有间面店历来以伊面作为主打，可以同牛腩、炸酱、云吞、猪手相搭配。但系我觉得，伊面应该用嚟干烧或者湿烩，先可以发挥其擅长吸味嘅特质，若果用嚟放汤，未免清淡过头，反而难以掩盖嗰阵油溢味。

十字港登陆

阅读此文，遇到生字：煁。例牌就请教网络老师，得出如下内容：

煁  那个字是“煁”而不是“淋”。

煁，nam4（粤拼），读“拰”的第四声。
读音见以下网页（在线发声字典）http://humanum.arts.cuhk.edu.hk/Lexis/lexi-can/search.php?q=%DEp

另外，也可以写成“焾”，读音与“煁”同。

十字港登陆

啲伊面会唔会好似受咗潮嘅即食面噉，变到煁晒口架？

善解人衣

以前响中国凡系吃面肚子都不舒服，出来委国吃多几次面反而好了，吃咩面都吾怕，就算返唐吃面都 没事，真奇怪

纤纤小手

伊面的口感和味道都不错，但也不能常吃，太热气了

委国十年

。。。。。。

oracion

煁 拼音chen 很难想象到读法系nam4

你的微笑

一山比一山高

十字哥 下次可以无用繁体字吗 看完之后脑晕晕地

十字港登陆

一山比一山高 发表于 2015-1-23 07:08
十字哥 下次可以无用繁体字吗 看完之后脑晕晕地

这篇文章用的是粤语方言字，冇用上繁体字，如果还是用普通话思维去阅读，是会有其他感觉的。