有谁认识它？藠

十字港登陆 · 发表于 2014-9-3 07:58

某日某专栏有如下短文，睇完全文，还未知藠头就是常用于餐台的酸荞头，搜索引擎搜搜，才知道这个藠头才是正名：

腌渍藠头
作者：龚慧枫
□ 龚慧枫

广东人历来钟意食腌渍食物，尤其系咸酸，而藠头又系咸酸中嘅佼佼者。

藠头系薤呢种植物嘅白色鳞茎，广东人习惯将其经过盐腌脱水后，用米醋浸渍，令佢变得酸香。腌渍得宜嘅藠头集甜、酸、咸、辣、甘于一身，各种味道夹杂纷陈。喺南方湿热嘅气候之下，可以用于刺激食欲。

我哋通常会见到藠头畀人用作以下用途：一系开胃小菜。以前每逢去酒楼食饭，侍应送上嘅餐前小食一般系咸酸，譬如酸藠头、酸萝卜之类，食完真系会觉得胃口开咗，嗰肚“咕咕”叫，忍唔住叫部长催下啲菜。二系餸菜配料。食顺德鱼生嗰阵会有切得好细嘅藠头丝，同埋柠檬叶丝、姜丝、生油、熟芝麻之类跟碟，一齐食可以辟咗鱼生嘅腥味。五柳丝入面都有藠头丝，用嚟焖鱼、炸鸡蛋都好惹味。三系代替带酸味嘅配料。曾经食过一味咕噜肉，一改惯常嘅配料菠萝，取而代之用藠头，居然味道好夹，而且藠头有菠萝所冇嘅微苦味，令呢道餸有种别样嘅清新。

只系而家，好难喺市面上买到啱味道嘅藠头喇，唔系太酸就系太甜，失却晒本味。可能嗰啲居家嘅制作，会保留一啲我哋昔日嘅记忆啩。